Search Result in All

Description:

Fragment nga vepra e Shehid Dr. Ali Sheriatit, "Po vella ashtu ishte" eshte projekt i pare fetare ne gjuhen shqipe ne formen e audio projektit per se pari here e publikuar ne 1997 ne Tetove nga Sh.B. "Rumi" - Tetove. Perndryshe tekstin e ka perkthyer intelektuali dhe poeti i njohur tetovar, i ndjeri z. Abdylaziz Islami per revisten kulturore islame - Revista "Nur" ne vitin1995. Teksti i prezantuar: "...Sido që te jetë, përpara meje, me shpatat e tyre ata në mitirab e sakrifikuan një njeri tjetër të shtypur - Alinë (s). Vëlla, ai dhe të gjithë ata që i janë besnikë atij, i përkasin racës sonë të përvuajtur. Ai e përdori bukurinë e fjalëve që të na flasë për shpëtimin dhe pikëllimin tonë. Për herë te parë ai foli për bukurinë, jo për ta shpjeguar varfërinë e për t'u përleshur me fuqitë, por për shpëtimin dhe vetëdijen tonë. Ai foli më bukur se Demosteni, jo për t'i fituar të drejtat e tij, por për të drejtat tona. Ai foli më bukur se folësi i Luit të 11-të, por jo ne oborrin mbretëor; ai klithi për të gjithë njerëzit e shtypur e kundër te fortëve. Nuk e përdori shpatën e tij që ta mbrojë vetveten, familjen e tij, racën apo vendin e tij, por që t'i mundë të fuqishmit. Atë e përdori më mirë se Spartaku dhe me një sinqeritet që s'e kemi njohur më parë. Ai mendonte më mirë se Sokrati, por jo për t'i dëshmuar virtytet bujare morale që për skllevërit ishin të ndaluara, por për t'i dëshmuar vlerat e njeriut që për ne kanë domethënie të madhe; ai nuk është trashëgimtar i mbretit, i faraonit apo i priftit të Magit. Ai nuk ka për vete as mihrab e as xhami. Ai e sakrifikoi veten për altarët tanë."

Description:

Qe nje njeri te gjeje burimin e perkryerjes dhe fisnikerise njerezore mjafton te njohtohet me Familjen e shenjte profetike dhe me tragjedite e tyre sepse kush mund te behet pasqyre me e mire e Profetit a.s. i cili ishte "meshira per njerezimin" dhe ai, te cilin Zoti e dergoj te "perkryen moralin," dhe ku mundet me mire qe nje njeri te deshmon vlerat e veta nese jo gjate dhembjes dhe tragjedise ndersa anetaret e shtepise se shenjte profetike nga foshnja deri tek me i moshuari, nje nga nje deshmuan vlerat dhe mbi vlerat e karakterit hyjnor te njeriut. Sakina, vajza e vogel e Imam Hysejnit a.s., perjetoj tragjedine e zjarrit te Qerbelase ku pos etjes tre diteshe dhe urise humbi tere familjen e vet ne krye me babaun. Aq mundi te duron zemra e nje femije; te sheh kokat e prere te burrave te familjes se vet dhe kalerimin e kuajve mbi trupat e tyre dhe coptimin e tyre dhe ne fund ajo zemer hyjnore plasi dhe pushoi dhe kaloi ne perjetesi dhe u be "Porte e meshirave dhe e deshirave" e besimtareve dhe dashamireve te Familjes se senjte profetike. Elegjia pershkruan ndarjen e saj nga xhaxhai i saj, Abas Aliu i cili se ishte flamurtari i Imam Hysejnit a.s. dhe sakiu i femijeve dhe familjes se tij. Qofte Selami i Zotit mbi Sakinen a.s., Abas Aliun a.s., mbi Imam Hysejnin a.s. dhe shehidet e Qerbelase.

Description:

Profesori i martirizuar, Shehid Murteda Mutahhari u lind më 1920 në Feriman, qytet në krahinën iraniane verilindore të Horasanit. Babai i tij, i ndjeri Shejh Muhammed Husein Mutahhari, qe një njeri i përkryer, që kishte frikë nga All-llahu xh.sh. e për këtë arsye nderohej nga të gjitha shtresat shoqërore të Horasanit, si edhe të pjesëve të tjera të vendit. Autori ynë i filloi mësimet e para në Mektebin Hane (shkollë tradicionale fillore) në qytetin Feriman. Që në fëmijërinë e hershme, ai tregoi një talent mahnitës dhe një dashuri të thellë për dije. Shfaqi një zgjuarsi dhe entuziazëm të jashtëzakonshëm për ta kuptuar sa më thellë teologjinë islame. Në vitin 1932, kur ishte dymbëdhjetë vjeç, u shpërngul në qytetin e shenjtë të Meshhedit, ku filloi studimin e shkencave paraprake fillestare islame. Në moshën shtatëmbëdhjetëvjeçare udhëtoi për në Kom, ku me dashurinë e zjarrtë në shpirt për studimet islame, përfitoi mjaft nga prania e njerëzve të ditur dhe ulemave, si Sejjid Muhammed Muhakkik, Sejjid Muhammed Huxhxhet dhe Ajatull-llah-es-Sadr (paqja e All-llahut qoftë mbi të gjithë ata). Më 1940 filloi të studiojë mësimet shumë të përparuara të figurës së madhe, të cilën ai e quan \"figura ime e humbur\". Ky \"shpirt hyjnor, qiellor\", siç e quante ai, ishte udhëheqësi i Lëvizjes Revolucionare Islame të sapokonceptuar - Imam Homeini. Mutahhari gjeti, gjithashtu, lumturi në shoqërinë me Ajatull-llah Buruxherdiun dhe dishepull i të cilit qe që nga viti 1944 e deri pothuajse më 1952. Më 1950, ai nisi punën për njohjen e filozofisë së Ibn Sinasë (Aisenës), duke ndjekur klasën që mësohej nga Sejjid Muhammed Husein Tabatabai, mjeshtri më i dëgjuar i filozofisë në Kom. Më vonë, Mutahhari shkroi një koment të rëndësishëm për veprën pesëvëllimëshe të nxënësit të tij \"Parimet e filozofisë\" (Usûl-ul-felsefeti). Më 1952 Mutahhari e ndërroi vendbanimin e tij, shkoi në Teheran. Që nga kjo kohë e më tej, ai punoi shumë, si në dhënien e leksioneve për publikun dhe qendrat intelektuale, ashtu edhe në shkrimin e një numri shumë të madh librash dhe pamfletesh. Në të dyja këto fusha, u përpoq të ndriçonte këndet e panjohura të mendimit islam dhe të ngrente lart flamurin e gjykimit të pastër islam, kundër kërcënimit të pikëpamjeve materialiste që përhapeshin ndër të rinjtë e Iranit. Ai bëri xhihad, nganjëherë, si profesor i jashtëm në Shkollën e Teologjisë të Universitetit të Teheranit, nganjëherë, si lektor publik në xhamitë dhe husejnijet (qendra fetare) deri në kulmin e Revolucionit Islamik. Pas fitores së Revolucionit, më 11 shkurt 1979 e, madje edhe më parë, ai qe anëtar i Këshillit të Revolucionit Islamik, duke vijuar luftën në rrugën e All-llahut dhe të popullit me tërë çiltërsinë. Martirizimi (Shehadeti) i tij nga një grup pseudoislamik ndodhi më 15 maj 1979, kur ai po dilte natën nga një sesion i zjarrtë i Këshillit Revolucionar. Disa nga librat e Mutahharit janë: 1. Arsyet për përqafimin e materializmit 2. Sistemi i të drejtave të grave në fenë islame 3. Forcat tërheqëse dhe shtytëse të Aliut 4. Hyrje në mendimin botëror për fenë islame (shtatë vëllime) 5. Njohje e shkencave islame (tri vëllime) 6. Njeriu dhe providenca (kaderi) 7. Ndihma Hyjnore për jetën e njeriut 8. Martiri (Shehidi) 9. Etika seksuale në Islam dhe në Botën Perëndimore 10. Një kërkim në Nehxhul Belaga