Search Result in All

Description:

Profesori i martirizuar, Shehid Murteda Mutahhari u lind më 1920 në Feriman, qytet në krahinën iraniane verilindore të Horasanit. Babai i tij, i ndjeri Shejh Muhammed Husein Mutahhari, qe një njeri i përkryer, që kishte frikë nga All-llahu xh.sh. e për këtë arsye nderohej nga të gjitha shtresat shoqërore të Horasanit, si edhe të pjesëve të tjera të vendit. Autori ynë i filloi mësimet e para në Mektebin Hane (shkollë tradicionale fillore) në qytetin Feriman. Që në fëmijërinë e hershme, ai tregoi një talent mahnitës dhe një dashuri të thellë për dije. Shfaqi një zgjuarsi dhe entuziazëm të jashtëzakonshëm për ta kuptuar sa më thellë teologjinë islame. Në vitin 1932, kur ishte dymbëdhjetë vjeç, u shpërngul në qytetin e shenjtë të Meshhedit, ku filloi studimin e shkencave paraprake fillestare islame. Në moshën shtatëmbëdhjetëvjeçare udhëtoi për në Kom, ku me dashurinë e zjarrtë në shpirt për studimet islame, përfitoi mjaft nga prania e njerëzve të ditur dhe ulemave, si Sejjid Muhammed Muhakkik, Sejjid Muhammed Huxhxhet dhe Ajatull-llah-es-Sadr (paqja e All-llahut qoftë mbi të gjithë ata). Më 1940 filloi të studiojë mësimet shumë të përparuara të figurës së madhe, të cilën ai e quan \"figura ime e humbur\". Ky \"shpirt hyjnor, qiellor\", siç e quante ai, ishte udhëheqësi i Lëvizjes Revolucionare Islame të sapokonceptuar - Imam Homeini. Mutahhari gjeti, gjithashtu, lumturi në shoqërinë me Ajatull-llah Buruxherdiun dhe dishepull i të cilit qe që nga viti 1944 e deri pothuajse më 1952. Më 1950, ai nisi punën për njohjen e filozofisë së Ibn Sinasë (Aisenës), duke ndjekur klasën që mësohej nga Sejjid Muhammed Husein Tabatabai, mjeshtri më i dëgjuar i filozofisë në Kom. Më vonë, Mutahhari shkroi një koment të rëndësishëm për veprën pesëvëllimëshe të nxënësit të tij \"Parimet e filozofisë\" (Usûl-ul-felsefeti). Më 1952 Mutahhari e ndërroi vendbanimin e tij, shkoi në Teheran. Që nga kjo kohë e më tej, ai punoi shumë, si në dhënien e leksioneve për publikun dhe qendrat intelektuale, ashtu edhe në shkrimin e një numri shumë të madh librash dhe pamfletesh. Në të dyja këto fusha, u përpoq të ndriçonte këndet e panjohura të mendimit islam dhe të ngrente lart flamurin e gjykimit të pastër islam, kundër kërcënimit të pikëpamjeve materialiste që përhapeshin ndër të rinjtë e Iranit. Ai bëri xhihad, nganjëherë, si profesor i jashtëm në Shkollën e Teologjisë të Universitetit të Teheranit, nganjëherë, si lektor publik në xhamitë dhe husejnijet (qendra fetare) deri në kulmin e Revolucionit Islamik. Pas fitores së Revolucionit, më 11 shkurt 1979 e, madje edhe më parë, ai qe anëtar i Këshillit të Revolucionit Islamik, duke vijuar luftën në rrugën e All-llahut dhe të popullit me tërë çiltërsinë. Martirizimi (Shehadeti) i tij nga një grup pseudoislamik ndodhi më 15 maj 1979, kur ai po dilte natën nga një sesion i zjarrtë i Këshillit Revolucionar. Disa nga librat e Mutahharit janë: 1. Arsyet për përqafimin e materializmit 2. Sistemi i të drejtave të grave në fenë islame 3. Forcat tërheqëse dhe shtytëse të Aliut 4. Hyrje në mendimin botëror për fenë islame (shtatë vëllime) 5. Njohje e shkencave islame (tri vëllime) 6. Njeriu dhe providenca (kaderi) 7. Ndihma Hyjnore për jetën e njeriut 8. Martiri (Shehidi) 9. Etika seksuale në Islam dhe në Botën Perëndimore 10. Një kërkim në Nehxhul Belaga

Description:

Kur njeriu ballafaqohet me këto lloj tregime apo të ngjashme nuk mund të mos të kujtojë urtinë dhe madhështinë e Zotit. Urtia dhe mrekullia e parë që mund të zbulohet në këtë tregim është se Zoti vet cakton njerëzit dhe familjet që do bëhen dëshmitarë të së vërtetës dhe këta njerëz në mënyrë madhështore plotësojnë këtë dëshmi. Në këtë tregim të vërtetë, nuk dihet se kush është më madhështorë; dëshmori Dariushi, zonja e tij Shyhretja apo vajza e tij e cila është simbol i pastërtisë dhe ri-dëshmi për pastërtinë e prindërve dhe familjes së saj. Islami dëshmohet nëpërmjet njerëzve të mëdhenj dhe është fe e njerëzimit ndërsa ky tregim dëshmon se revolucioni i shenjtë, që e quajtën edhe si \\\"eksplozion i dritës,\\\" manifeston rrezet e saj në sakrificën dhe përkushtimin e martir Dariushit, në durimin dhe krenarinë e zonjës së tij dhe në pastërtinë e fëmijës së tyre. Zoti ia solli dhe kësaj familje për një çast ia dhuroi Diellin ndërsa ata si flutura filluan të digjen një nga një në bukurinë e dritës dhe ngrohtësisë që rrezatoi. Allahu lartësoftë dhe mëshiroftë shehid Dariush Rizainezhad, e ruajt dhe e bekoftë familjen e tij ndërsa neve na e mundësoftë që të ecim denjë në rrugën ë këtyre njerëzve të mëdhenj dhe të pastër. Falënderojmë Press TV për përgatitjen e këtij dokumentari të mrekullueshëm dhe kërkojmë hallallëk për përkthimin dhe publikimin e paautorizuar dhe kjo duke u mbështetur në drejtën e një martiri pasi që ata janë thesari i njerëzimit dhe ky thesar duhet ndarë me njerëzinë. Projekti është realizuar gjatë muajit të shenjtë të Muharremit dhe i dedikohet Imam Hysejnit a.s. dhe shehidëve të Qerbelasë sikurse dhe gjithë shehidëve të rrugës së Ehlibejtit a.s. Falënderojmë të gjithë ata që kontribuuan në realizimin e këtij projekti. Allahu i shpërbleftë të gjithë.

Description:

Në çdo kohë shkëlqejnë drita dhe mendimi i trurëve viganë në shoqëri dhe i shpiejnë në përparim e progres. Zotëriu ynë dhe martiri Muhammed Bakir Sadër, i cili ka shkruar në lëmi të ndryshme shkencore dhe ka bërë hulumtime të shumta aq sa rrallëkush mund të bëjë një hap të tillë, konsiderohet si gjigant i shkëlqyer në mendimin islam. Ka shkruar në fikhun islam, usuli fikh dhe e ka studiuar aq thellë saqë dijetarët muslimanë e kanë konsideruar si argument. Gjithashtu, ka shkruar për filozofinë evropiane dhe atë orientale, i ka kritikuar e komentuar idetë dhe artet e tyre me argumente bindëse, ka shkruar për ekonominë kapitaliste dhe atë socialiste duke i destruktuar pikat dhe parimet e tyre; ka shkruar për induksionin dhe influencën e tij në shkencat natyrore duke i krahasuar me metodat tjera që e studiojnë krijimin e tokës dhe qiellit me pikënisje nga hulumtimet matematikore. Pasi që një grup besimtarësh ka kërkuar të botohen fetvatë e tij, ai i është përgjigjur dëshirës dhe kërkimeve të tyre për botim dhe i ka titulluar \"El-Fetava el Vadiha\" (Fetvatë e qarta), dhe më vonë, pas kërkimit të sërishëm që të shkruaj një hyrje në parimet islame, ka përpiluar një prolegomenë të shkurtër dhe ia ka bashkangjitur veprës së tij, të botuar për të dytën herë \"Fetvatë e qarta\". Falëminderojmë të gjithë ata që kontribuan në realizimin e këtij projekti veçanërisht Librarinë e parë digjitale në gjuhën shqipe \"Dielli\" (www.dielli.net). Projektin ua kushtojmë dhe dhurojmë edhe vëllezërve tanë të shtypur dhe të persekutuar të Irakut. AlbShia - Më pranë dritës...