Search Result in All

Description:

Wriiten by: SHAYAR-E-AHLEBAIT HASAN ALI SHIVJI 'FUGHAN' Beti Ali ki Turbat-e Zehra pe aayee hai , Kurta Lahoo bahara hua bhai ka layee hai kehti e Hussain ki Amma Utho utho Zainab se karbala ka zarra majra suno kehti e Hussain ki Amma Utho utho Amma humara ranjho masahib hai dardnaak, Amma humare khalbo jigar ho chuke hai chaak Amma humare nana ki ummat ne ki daga, Amma humare khoon ko samjhe sab rawa kehti e Hussain ki Amma Utho utho Zainab se karbala ka zarra majra suno Amma taras ke reh gaye paani ko hum tamam, Amma diya na humko kisi ne bhi ek jaam Amma humare Mard tahe teg hogaye, Amma nahake khoon main bechare so gaye kehti e Hussain ki Amma Utho utho Zainab se karbala ka zarra Majra suno Amma Pade hai nahar par Abbas Ruth kar, Amma Sakina soti hai zinda main be pidar Amma kaha se Akbar-e-Mehroo ko lau main , Amma kaha se Asgar-e-Nadan ko pau main kehti e Hussain ki Amma Utho utho Zainab se karbala ka zarra Majra suno Amma wo mere Aun o Mohammed mere pisar, Maidaan-e-Karbala main pade hai kata ke sar Amma lahoo main doob k Kasim bhi chal base, Amma Hasan ko muh na dikhane ke hum rahe kehti e Hussain ki Amma Utho utho Zainab se karbala ka zarra Majra suno Amma Hussain Karbobalahee main rahe gaye, Amma Hussain saare Masahib ko seh gaye Amma Hussain mar gaye be yaaro be watan , Amma hussain ko na mayaser hua kafan kehti e Hussain ki Amma Utho utho Zainab se karbala ka zarra Majra suno Amma humari chaadare bhi chin gayee tamam , Amma humare haal par haste the ahle shaam Amma wo shaam-e- Gurbate Shabbir ahha, Amma wo raat kaali wo sunsaan katl gaa kehti e Hussain ki Amma Utho utho Zainab se karbala ka zarra Majra suno Amma ye haal -e-Abid-e-Bimaar hogaya , Zalim sipahi ne le liya bistar garib ka Amma kadam kadam pe aseeri rula gayee, gardan main tauk paav main zanjeer aagayee kehti e Hussain ki amma Utho utho Zainab se karbala ka zarra Majra suno Amma wo bibiyon ka tadapna wo shor-o-shay, Amma rahegi yaad wo aabon bukh wo bey Amma Rabab roti hai Asgar ko subho shaam , Akbar ko yaad karti hai Laila-e-tashnkaam kehti e Hussain ki amma Utho utho Zainhab se karbala ka zarra majra suno Baazu ke neel dekhiye Amma Khuda gawa, Maktal ki gard bangayee ab shaa Khuda gawa Amma ye bebasi ye qayamat ki bebasi , amma Humare haal par roti hai amma bekasi kehti e Hussain ki Amma Utho utho Zainab se karbala ka zarra Majra suno Amma batayiye tho main ab jee k kya karu , kiss tarah ab Hussain ki furkat ka gam sahu aayi Fughan nida ki sare hashr hum bhi ab , Kurta lahoo bhara hua rakh denge peshe rab Beti tumhara Bhai Shah-e- Mashra khain hain, beti tumhare sabr main fathe Hussain hai kehti e Hussain ki Amma Utho utho Zaihab se karbala ka zarra Majra suno

Description:

Shab chaak garebaan, sahar girya kuna hai - Old Noha Shahadat Hazrat Ali Nauhakhawn - Janab Ali Zia Rizvi sahib Shab chaak garebaan, sahar girya kuna hai Maqluke Khuda maile faryaad o fughaan hai Maa bain zameen aasman mehshar ka samaa hai Uneesveen Ramzan ka ye haal bayan hai Tareekh ye wo hai jo qayamat se nahi kam Ay momino sar peeto karo girya o matam Faarigh jo tahajud se huve woh Faatahe Khaibar Aur sehan may aaye jyon hi hujre se nikal kar Bas khasd kiya hi tha abhi jaane ka bahar Hota ke ada Fajr ka wo farze muqarar Murghabiyo ne ghair liya haq ke Wali ko Darwaze pe jaane nahi deti thiN Ali ko Goya huye murghabiyo se Haidar e Karrar Is uns ki de tumko jaza Khaaliqe Ghaffar Naale na karo sabr karo ay meri ghamkhar Jo waqt mueyan hai wo talta nahi zinhaar Daman ko mere chordo yun ashq na barsao Masjid may mujhe jaane do darwaze se hatt jao Pahunche jyon hi masjid may Ali dekha ye manzar Aunda pada sota hai layeen ek zameen par Jab uske qareeb pahunche to goya hue Haidar Utt pairawe iblees. shaqi aur sitamgar Maloom hai sab kis liye tu aaya hai Koofa Kis kaam ke karneka yahan par hai irada Yeh kehke azaan dene lage Khalq ke Maula Mehraabe ibadat may hue zebe musalla Masroof huwe itaat may apne Shah e Waala Thi fajr ki pehli hi rakat, pehla wo sajda Talwaar rakhab se bine muljim ne lagayi Do para kiya sar ko jabeen tak utar aayi Sar peet ke kehte thay namazi ke ay jallad Kya kar diya ye Khana e haq may sitam ejaad Ki Haq ke Wali par ye bhala kis liye bedaad Faryad hai faryad hai faryad hai faryad Iss shoro fughaan ko suna Hasnain ne jis dum Masjid ko chale ghar se woh karte hue maatam Hasnain ne aaluda ba khoon baap ko paaya Woh bain kiye jis se ke moo ko jigar aaya Phir ek chataai pa gharaz unko litaya Ghamkaron ne zaqmi Shahe Safdar ko uthaya Ghar laaye mubada kahin haalat na bigad jaye Sar khole hue Saaniye Zahra na nikal aayeN Daakhil hue jab ghar may Pisar Baap ko lekar Maana lavo shevan se bapa hogaya mehshar Thame hue thi Beti koi paun koi sar Aahista se hujre may litaaya Unhe jaakar Tha warde zaban wa-Aliya aaho buka may Awaaz yahi goonjti thi arzo sama may Tha warde zaban wa-Aliya aaho buka may Awaaz yahi goonjti thi arzo sama may ============ Please Comment / Like / Share / Subscribe. You can download a BAYAAZ of all nauhas on this channel from: https://archive.org/details/BayaazOfOldNohaySep2018 Please Like my Official Facebook Page : https://www.facebook.com/OldNohay